Jaǵajaı fýtbolynan Qazaqstan quramasy Evrolıganyń A dıvızıonynda oınaıdy
ASTANA. KAZINFORM – Jaǵajaı fýtbolynan Qazaqstan quramasy 2025 jylǵy maýsym qorytyndysy boıynsha 2026 jylǵy Evrolıganyń A dıvızıonyna joldama aldy.
A dıvızıonynyń matchtary 29 shilde men 2 tamyz aralyǵynda Moldovada ótedi.
Bul nátıjege komanda Italııanyń Vıaredjo qalasynda ótken Euro Beach Soccer League (EBSL) 2025 promo-fınalynda sátti óner kórsetýiniń arqasynda qol jetkizdi. Sol týrnırde Qazaqstan quramasy 4-oryn aldy.
Týrnır barysynda bizdiń komanda bir oıynda jeńiske jetip, bir matchta jeńilip, bir kezdesýde teń tústi. Jartylaı fınalda negizgi ýaqytta teń aıaqtalyp, penaltıde jeńildi. Al úshinshi oryn úshin ótken matchta Ázerbaıjanǵa 1:7 esebimen jol berdi.
Eske sala keteıik, budan buryn fýtboldan 2026 jylǵy álem chempıonatyna shyqqan barlyq qurama belgili bolǵanyn jazǵan edik.
