Jaǵajaı fýtbolynan Qazaqstan quramasy elıtalyq dıvızıonǵa joldama aldy

ASTANA. KAZINFORM - Italııanyń Kastellammare dı Stabıa qalasynda ótip jatqan Eýrolıga aıasynda (EBSL 2025 – Euro Beach Soccer League) Qazaqstan quramasy elıtalyq dıvızıonǵa joldama aldy.

Qazaqstandyq fýtbolshylar V dıvızıonynda Rýmynııa, Norvegııa jáne Maltamen synǵa tústi. El quramasy búgin Maltany 5:4 esebimen jeńip, elıtalyq dıvızıonǵa joldama aldy. Olar budan buryn Norvegııadan 6:4, Rýmynııadan 3:2 esebimen basym túsken edi.

Nátıjesinde qazaqstandyq fýtbolshylar barlyq kezdesýde jeńiske jetti.

Jarys aldynda ulttyq qurama 20-24 shilde aralyǵynda oqý-jattyǵý jıynyn ótkizdi.

Ulttyq quramanyń aǵa bapkeri mindetin Artem Erohnovıch atqardy. Ol tómendegi fýtbolshylarǵa senim artty.

Oıynshylar tizimi:

Qaqpashylar: Dastamıden Dagıev («Arman»), Dmıtrıı Brovko («Barqy»);

Qorǵaýshylar: Igor Demeshko, Mıhaıl Kaızer (ekeýi de – «Arman»), Ábdiqadyr Qurbanov («Omega»), Nurdáýlet Bolatbek («Malaısary»);

Shabýylshylar: Aıdyn Malıkov («Malaısary»), Artýr Derıng, Nurlan Júnásov (ekeýi de – TK B&A), Arman Shotanov («Barqy»), Vladıslav Shevchýk, Alan Myńbaev (ekeýi de – «Arman»).