Jaǵajaı fýtbolynan Eýrolıgada Qazaqstan quramasy eki márte jeńiske jetti

ASTANA. KAZINFORM - Italııanyń Kastellammare dı Stabıa qalasynda ótip jatqan Eýrolıga aıasynda (EBSL 2025 – Euro Beach Soccer League) Qazaqstan quramasy alǵashqy eki oıynda jeńiske jetti.

Qazaqstandyq fýtbolshylar V dıvızıonynda Rýmynııa, Norvegııa jáne Maltamen synǵa túsip jatyr.

Dop dodasy barysynda el quramasy aldymen Rýmynııany 3:2 esebimen tize búktirdi. Bul oıynda Artýr Derıng, Aıdyn Málikov, Mıhaıl Kaızer mergendik tanytty.

Al búgin el quramasy Norvegııadan 6:4 esebimen basym tústi. Bul joly Artýr Derıng, Mıhaıl Kaızer, Ábdiqadyr Qurbanov, Alan Myńbaev, Vladıslav Shevchýk kózdegen nysanadan múlt ketken joq.

Endi otandastarymyz aldaǵy oıynyn 27 shildede Maltaǵa qarsy ótkizedi.

Jarys aldynda ulttyq qurama 20-24 shilde aralyǵynda oqý-jattyǵý jıynyn ótkizdi.

Ulttyq quramanyń aǵa bapkeri mindetin Artem Erohnovıch atqarady.

Eske salsaq, jaǵajaı fýtbolynan Qazaqstan ulttyq quramasy byltyr Eýrolıganyń top-dıvızıonyna ótti.