Jaǵajaı Azıadasy-2026: qazaqstandyq voleıbolshylar taǵy jeńiske jetti
ASTANA. KAZINFORM - Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda jaǵajaı voleıbolynan toptyq kezeń oıyndary jalǵasyp jatyr.
QR UOK málimetinshe, kezekti matchtarda Qazaqstannyń erler quramalary sátti óner kórsetti.
Dmıtrıı ıAkovlev pen Abdýlmajıd Mohammad Malaızııa ókilderi - Mýhammad Isma Hazık Bın Ismaıl men En Djen Tan jubynan basym tústi. Kezdesý 2:0 esebimen aıaqtaldy (21:12, 21:13).
Al Sergeı Bogatý men Kırıll Gýrın Bangladesh sportshylary Horosıta Bısvas pen Shıhab Ahmedti jeńdi. Oıyn eki partııaǵa sozylyp, 2:0 esebimen (21:15, 21:14) aıaqtaldy.
Aıta keteıik, qazaqstandyq jaǵajaı voleıbolshylary ázirge birde-bir ret jeńilgen joq. Bogatý men Gýrın úsh oıynnyń úsheýinde de jeńiske jetse, ıAkovlev pen Mohammad eki matchta da qarsylastarynan basym tústi.
Qazaqstan áıelder quramasy sý dobynan Qytaıdyń Sanıa qalasynda ótip jatqan 2026 jylǵy jaǵajaıdaǵy Azııa oıyndarynda ekinshi jeńisine qol jetkizdi.
