Jaǵaǵa shyǵyp qalǵan kıt qutqaryldy
ASTANA. QazAqparat - Ótken demalysta "Zelenyı Sahalın" tabıǵatty qorǵaý qorynyń belsendileri kishkentaı teńbil baýyrly kıtke Sahalın ońtústigindegi Tatar buǵazynyń taıaz sýynan shyǵýǵa járdemdesti.
«Jergilikti balyqshylar bizge habarlasyp, Holmsk aýdany Pravda aýyly mańynda uzyndyǵy 7 metr, salmaǵy 5-6 tonna bolatyn alyp kıttiń qaırańǵa shyǵyp qalǵanyn aıtty. Olar tereń sýǵa jiberýge tyrysqan, alaıda janýar qarsylyq tanytqan», - dedi "Interfaks" agenttigine qor jetekshisi Aleksandr Ivanov.
Belsendiler kıtti qarap shyǵyp, esh zaqym tappady.
Mundaı janýarlardy budan da buryn birneshe ret qutqarǵan Ivanov gıdrokostıým kıip, kıtke júzip bardy jáne eki saǵat boıy ony sabyrǵa shaqyryp, tereńdikke ertip áketti.
«Biraq, tereńdikke ótken kıt qaıtadan aılaqqa keldi jáne eshqaıda ketkisi kelmeıdi. Qazir de jaǵalaýǵa jaqyn jerde jáne qaýipsiz tereńdikte (teńiz tereńdigi 4-5 metr). Biz ony baqylaýdamyz», - dedi Ivanov.
