Jabyq keshendegi Azııa chempıonaty: Kim qansha medal aldy

Atalǵan dodada Qazaqstan namysyn 25 jeńil atlet qorǵaıdy. Osyǵan oraı QR Jeńil atletıka federatsııasynyń resmı saıty atalǵan dodada Qazaqstan sportshylary qansha medal jeńip alǵanyn jarııa etti.

Federatsııa saıtyndaǵy málimetterge súıensek, bul chempıonat 2004 jyldan bastaý alady. Eń alǵash uıymdastyrǵan qala - osy Tegeran. Otandastarymyz osy jyldan beri qaraı jeti ret aıtýly dodaǵa qatysyp, jalpy 59 (20 altyn, 18 kúmis, 21 qola) medal jeńip aldy. Medal sany jóninen Qytaıdan keıin ekinshi orynda turmyz.

2004 jyly (Tegeran)

Eń alǵash Tegeranda uıymdastyrylǵan Azııa chempıonatynda Qazaqstan quramasy 7 (4 altyn, 2 kúmis, 1 qola) medal jeńip aldy. Jalpy komandalyq esepte Qytaı men Irannan keıin úshinshi orynǵa ıe boldy.

2006 jyly (Pattaııa)

Al 2006 jyly Taılandtyń Pattaııa qalasynda Qazaqstan quramasy jalpy komandalyq esepte top jardy. Qytaı men Japonııa quramasyn artqa tastadyq.  Qorjynǵa 18 (7 altyn, 2 kúmis, 9 qola) medal tústi.

2008 jyly (Doha)

Dohadan 14 (4 altyn, 6 kúmis, 4 qola) medal buıyrdy. Jalpy komandalyq esepte úshinshi orynǵa ıe boldy.

2010 jyly (Tegeran)

Alǵash ret Qazaqstan quramasy jalpy komandalyq esepte úzdik úshtikke ilinbedi. Bul joly 4-oryndy qanaǵat tutýǵa týra keldi. Iran astanasynda 13 (3 altyn, 5 kúmis, 5 qola) medal enshiledik.

2012 jyly (Hanchjoý)

Qytaıdyń Hanchjoý qalasyndaǵy jabyq keshendegi Azııa chempıonatynda taǵy da tórtinshi oryndy qanaǵat tuttyq. Bul joly medal sany da, altyn da kemı tústi. Bar-joǵy 7 (2 altyn, 3 kúmis, 2 qola) medalmen shekteldik.

2014 jyly (Hanchjoý)

2014 jyly taǵy da jabyq keshendegi Azııa chempıonatyn Hanchjoý ótkizdi. Jerlesterimiz munyń aldynda qatarynan eki ret jalpy komandalyq  esepte tórtinshi alsa, osy joly úshtikke ilindi. Medal sany - 12. Onyń tórteýi altyn boldy.

2016 jyly (Doha)

Katar astanasy Dohada otandastarymyz jalpy komandalyq esepte úshinshi orynǵa ıe boldy. Onda 10 medal (4 altyn, 2 kúmis, 4 qola) buıyrdy.