Jabyq keshendegi Azııa chempıonaty: Qazaqstan birinshi orynda
ASTANA.QazAqparat - Iran astanasy Tegeran qalasynda ótip jatqan jabyq keshendegi Azııa chempıonatynyń ekinshi jarys kúniniń tańerteńgi baǵdarlamasy aıaqtaldy. Qazaqstan quramasynyń qorjyna taǵy 5 medal tústi, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
AFRK-nyń habarlaýynsha, 2 aqpan kúni tańerteńgi baǵdarlamada 6 atletshi qyzdarymyz fınalda óner kórsetip, 3 altyn jáne 2 kúmis medal enshiledi.
400 metrge júgirýde Svetlana Golendova (53.28 sekýnd) men Elına Mıhına (53.49 sekýnd) altyn men kúmisti ózara bólisti. Al 60 metrge júgirýde Vıktorııa Zıabkına 7.39 sekýndpen máre syzyǵyn ekinshi bolyp kesip, quramanyń ekinshi kúmis medalyn enshiledi.
Buǵan deıin habarlaǵanymyzdaı, 60 metrge tosqaýyldar arqyly júgirgen Áıgerim Shynazbekova qazaq qyzdary arasynan alǵash bolyp, jeńil atletıkadan jabyq keshendegi Azııa chempıonatynyń jeńimpazy atandy. Áıgerim Tegranda atalǵan qashyqtyqty 8.32 sekýndta baǵyndyrdy.
El qorjynyna besinshi altyndy syryqpen sekirýshi Anastasııa Ermakova saldy.17 jastaǵy sportshy Tegeranda 3.70 metrge sekirip, jeńimpaz atandy.
Aıta keteıik, baıraqty básekeniń birinshi kúni qyzdarymyz 3 medal (2 altyn,1qola) jeńip alǵan bolatyn. Eki jarys kúniniń qortyndysy boıynsha, el quramasy 5 altyn, 2 kúmis jáne 1 qola medalmen komandalyq esepte birinshi orynda kele jatyr.
