Jábirlenýshi Hamro Sývanov Lılııa Rahqa taǵy da arasha surady
ALMATY. QazAqparat - Búgin Almaty qalalyq sotynyń apellıatsııalyq satysyna belgili kásipker Lılııa Rah qosymsha tergelýi úshin qaıta ákelindi, dep habarlaıdy QazAqparat tilshisi sot zalynan.
Oǵan qatysty qozǵalǵan qylmystyq is boıynsha jábirlenýshi Hamro Sývanov sotqa aıyptalýshy L. Rahpen tatýlasqanyn dáleldeıtin aryz tapsyrdy.
«Oǵan qatysty eshqandaı moraldyq ta, materıaldyq ta shaǵymym joq. Meni polıtsııa qyzmetkerleri qutqarǵan kezdegi alǵashqy aryzymda kórsetilgenderdi esepke almaýlaryńyzdy suraımyn», dedi jábirlenýshi H.Sývanov.
Onyń aryzyn sot qabyldady. Sotta kýálik bergen jábirlenýshi Hamro Sývanov Mırı Pazdy istiń basty uıymdastyrýshysy retinde taǵy da atap kórsetti.
Eske sala keteıik , 2016 jyldyń 10 qarashasy kúni sot úkimimen Lılııa Rah QR QK 125-babynyń 2-bóligi, 1,8-tarmaqtaryndaǵy qylmysty jasaǵany úshin (jeke maqsattary úshin adamdar tobymen aldyn ala sóz baılasa otyryp adam urlaý) aıypty dep tanylyp, 7 jylǵa bas bostandyǵynan aıyrylǵan bolatyn.
Sotta Lılııa Rahqa atalǵan qylmysty jasaǵany úshin eń tómengi jaza taǵaıyndalǵany aıtylǵan edi.
Іske qatysty aıyptalýshylar Paz, Shalbaev jáne Mısırov QR QK 125-babynyń 2-bóligi, 1,3,8-tarmaqtaryndaǵy qylmysty jasaǵany úshin kináli dep tanylǵan bolatyn. Sot úkimimen Paz 7 jyl 6 aıǵa, Mısırov pen Shalbaev árqaısysy 8 jylǵa sottalǵan.
Aıta keteıik, jábirlenýshi H.Sývanov Mırı Pazǵa barynsha qatań jaza qoldanylýyn talap etpek.
Belgili kásipker Lılııa Rah 2016 jyldyń 27 shildesinde Almatyda tutqyndalǵan.
