Jabaıy shoshqa asyraǵan 70 jastaǵy almatylyq jaýapqa tartyldy
ALMATY. QazAqparat – Almaty qalasynyń irgesindegi úılerdiń birinde jabaıy shoshqa asyraǵan azamat jaýapqa tartyldy, dep habarlaıdy QazAqparat tilshisi.
Atalǵan faktini Tabıǵatty qorǵaý polıtsııasy qyzmetkerleri maqsatty is-shara júrgizý barysynda anyqtady. Jabaıy shoshqa «Aqsaı medık» baǵbandyq qoǵamynyń úıleriniń birinen tabyldy.
«Esterińizge sala keteıin, Tabıǵatty qorǵaý zańnamasyn buzý, brakonerlik, bıologııalyq resýrstardyń zańsyz aınalymy faktilerin, sondaı-aq ekologııalyq qylmystardy ashý faktilerin anyqtaý jáne jolyn kesý maqsatynda 20 qazan men 19 qarasha aralyǵynda «Brakoner» jalpy respýblıkalyq jedel-aldyn alý is-sharasy ótkizilýde.
Іs-shara sheńberinde QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar dúnıesi komıtetiniń aýmaqtyq organdarymen birlesip jedel-izdestirý toptary quryldy.
Bul jaǵdaıda 70 jastaǵy azamat M. QR ÁQbK-niń 389-baby 1-bóligi boıynsha jaýapkershilikke tartyldy.
Atalǵan óndiris materıaldary sot quzyretine sáıkes sheshim qabyldaý úshin sotqa jiberiledi», – dedi Naýryzbaı aýdandyq polıtsııa basqarmasynyń bastyǵy Dıdar Ahanov.
