Jabaıy maımyl 1,5 aılyq náresteni talap óltirdi
ALMATY. QazAqparat - Sevastopoldiń Nahım aýdanynda jeke haıýanat baǵynan qashyp ketken jabaıy maımyl 1,5 aılyq náresteni talap óltirdi. Qasynda turǵan ata-anasy balany qutqara almady.
Jergilikti tergeý basqarmasy atalǵan derek boıynsha qylmystyq is qozǵady.
Oqıǵa bylaı bolǵan. Tordy tazalaý kezinde qashyp shyqqan maımyl kórshilerdiń úıine kirip, besikarbada jatqan sábıdi talap tastaǵan, dep habarlaıdy reseılik BAQ. Endi qara mangobeıdi asyrap otyrǵan 65 jastaǵy qojaıyny zań aldynda jaýap beretin bolady. Tergeý basqarmasy jeke haıýanattar baǵynyń adamdar qonystanǵan jerde ornalasýynyń qanshalyqty zańdy ekendigin anyqtap, qaýipsizdik sharalarynyń saqtalýyn qadaǵalaýǵa nazar qoımaq.
