Jabaıy qaban seýldik meıramhananyń astan-kesteńin shyǵardy (VIDEO)

ASTANA. QazAqparat - Seýldiń soltústik bóliginde - Yıchjonbý aýdanynda ornalasqan meıramhanalardyń birine jabaıy qaban basa-kóktep kirgen.

Janýar meıramhananyń astan-kesteńin shyǵaryp, kelýshilerdi qatty shoshytty. Oqıǵa 7 shildede tańerteń, meıramhanada adam az bolǵan shaqta oryn aldy, dep jazdy rosbalt.ru.

Bireýler qashyp, bireýler qabanǵa tamaq salynǵan arbashany ıterip, oryndyqtardy laqtyryp ony toqtatpaq boldy. Janýar bir mınýtqa jýyq esikti taba almady. Birneshe ret qabyrǵa men terezege soǵyldy. Degenmen  shyǵatyn jerdi taýyp, izin sýytty.