Jabal Erǵalıev: Adam balasyn sheshek, bezgek sııaqty indetterden aman alyp qalǵan - vaktsına
KÓKShETAÝ. QazAqparat - Koronavırýsty aýyzdyqtaýdyń birden bir joly – vaktsına. Bul týraly Qazaqstannyń eńbek sińirgen qaıratkeri, senatorlar keńesiniń múshesi Jabal Erǵalıev aıtty, dep habarlaıdy QazAqparat tilshisi.
Onyń aıtýynsha, qazir jalǵyz qazaq elinde ǵana emes, álemde bir alań jaǵdaı qalyptasyp otyr. Bir-eki jyldyń aıasynda álem boıynsha taraı bastaǵan koronovırýs indeti dúnıeniń damýyna eleýli ózgerister ákelip jatyr. Іndettiń beti qaıtty dep aıta qoıýdyń ózi áli de erterek. Kún saıyn berilip jarııalanyp jatqan statıstıkalyq málimetter boıynsha álem boıynsha indettiń taralýy báseńsı qoıǵan joq. Jer betinde osy indetten adam shyǵyny da azaıǵan emes. Adam balasyna kelgen osy indettiń aldyn alý, taralyp ketýin neǵurlym azaıtý maqsatynda bizdiń elimizde barlyq sharalar qoldanylyp jatqanynyn da eshkim joqqa shyǵara almaıdy.
«Memleket basshysynyń pármenimen byltyr tótenshe jaǵdaı jarııalanyp, karantın engizilgeni, halyqqa materıaldyq qoldaý jasalýy, bıznestiń damýyna barynsha jaǵdaılasý, elimizdiń ár jerinde osy zamanǵy ınfektsııalyq aýrýhanalardyń jedel salynýy sııaqty ister atqaryldy. Jańa ınfektsııalyq aýrýhana bizdiń Kókshetaý qalasynda da óte qysqa merzimde salynyp, iske qosyldy. Qaraǵandyda vaktsına shyǵaratyn zaýyttyń iske qosylýy da ıgi istiń biri edi. Jáne de Qazaqstannyń óz vaktsınasyn shyǵarýdy qolǵa alýy da elimizdiń bul indetti joıýǵa barynsha jaýapty qarap otyrǵandyǵy dep bilemiz», - dedi Jabal Erǵalıev.
Sonymen qatar, ol halyqty koronavırýs ınfektsııasyna qarsy vaktsına alýdan qoryqpaýǵa shaqyrdy.
«Qazir halyqty jappaı vaktsınatsııalaý júrip jatyr. Osy vaktsınatsııa jaıly de nebir daqpyrt taralyp jatady. Qoryqpańyz! Adam balasyn erterekte sheshek, bezgek, taǵy da ózge indetterden aman alyp qalǵan osy vaktsına bolatyn. Óz basym birinshi kezektegi vaktsına aldym. Ekinshisin taǵy da alamyn. Qaýipti eshnárse baıqaǵan joqpyn! Sondyqtan ekpeden qoryqpańyzdar der edim», - dedi ol.
