Jahandyq korporatsııalar kontentti qalaı túsindiretinine táýeldi bolmaýymyz kerek — Smyshlıaeva

ASTANA. KAZINFORM — Jasandy ıntellekt qatysy bar otandyq kontentti damytý — bul tsıfrlyq egemendik máselesi. Bul týraly Májiliste ótip jatqan parlamenttik tyńdalymda depýtat Ekaterına Smyshlıaeva aıtty

— Jasandy ıntellekt qatysy bar sheshimderdegi ulttyq tildik modelderdi jáne otandyq kontentti damytý — bul tsıfrlyq egemendik máselesi. Biz jahandyq korporatsııalar kontentti qalaı túsindiretinine táýeldi bolmaýymyz kerek. Bizdiń modelder qazaqstandyqtar úshin jumys isteýi, ulttyq qundylyqtarymyz ben mádenı kodymyzdy qurmetteýi tıis, — dedi Ekaterına Smyshlıaeva.

Osy oraıda depýtat «Jasandy ıntellekt týraly» zańda jergilikti modelderdi damytýǵa jáne aqparattyq qorlardy paıdalaný erejelerine qatysty quqyqtyq tetikter kózdelgenin atap ótti.

— Qazirgi ýaqytta eń mańyzdysy — qarjylandyrýǵa basymdyq berýdi qamtamasyz etý, — dedi ol.

Sondaı-aq ol ııfrlyq zańdardy iske asyrý úshin tsıfrlyq sýdıalar, advokattar, prokýrorlar men zań keńesshilerin daıyndaýymyz qajettigin, bolashaqta derekter ekonomıkasynda azamattyń tsıfrlyq ámııany paıda bolýy tıistigin aıtty.