Jahandyq daǵdarystyń bárin tek dıplomatııalyq jolmen sheshý kerek — Toqaev

ASTANA. KAZINFORM — Jahandyq daǵdarystyń bárin tek dıplomatııa jolmen sheshý kerek. Bul týraly Aqordada Rýanda Prezıdenti Pol Kagamemen kelissózderden keıingi birlesken málimdeme barysynda Memleket basshysy Qasym-Jomart Toqaev aıtty.

— Pol Kagame myrza — álemdik saıasatta mol tájirıbesi, bedeli bar Prezıdent. Kelissóz barysynda jahandyq máseleler jóninde pikir almastyq. Eki eldiń halyqaralyq túıtkilderge qatysty ustanymdary ortaq dep aıtýǵa bolady. Biz jahandyq daǵdarystyń bárin tek dıplomatııa jolmen sheshý kerek dep esepteımiz. Beıbit kelissózder júrgizýdi qoldaımyz. Buǵan qosa, halyqaralyq uıymdar aıasynda ózara yqpaldastyqty kúsheıtýge ýaǵdalastyq. Bastamalarymyz boıynsha bir-birimizge qoldaý kórsetýge kelistik, — dedi Qasym-Jomart Toqaev.

Memleket basshysy Kogeme myrzanyń elimizge resmı saparynyń tarıhı mańyzy bar ekenin basa aıtty.

— Biz ekijaqty baılanysty damytýǵa, túrli saladaǵy yntymaqtastyqty keńeıtýge múddeli ekenimizdi rastadyq. Búgingi kelissózdiń nátıjesi sonyń aıqyn dáleli. Endi osy kelisimderdi sapaly júzege asyrýymyz kerek. Prezıdent myrza, biz erteń Astana halyqaralyq forýmyna qatysamyz. Osy mańyzdy is-shara aıasynda ekijaqty aımaqtyq jáne jahandyq máselelerge qatysty oı bólisip, tıimdi sheshimderge qol jetkizemiz dep senemin. Bir-birimizge árdaıym qoldaý kórsetip, tabysqa birge jete bereıik, — dep túıindedi sózin Prezıdent.

Aıta keteıik, Memleket basshysy mártebeli meımanmen shaǵyn jáne keńeıtilgen quram kelisssózder júrgizdi.