Jahandyq áıelder sammıtine Qazaqstannan kim qatysady
ASTANA. KAZINFORM — 9-11 mamyr kúnderi Ispanııanyń Madrıd qalasynda «Jahandyq áıelder sammıti» forýmy ótedi. Oǵan QR Syrtqy ister mınıstriniń orynbasary Nazıra Nurbaeva barady.
Jahandyq áıelder sammıti Ispanııa patshaıymy Letıtsııanyń qamqorlyǵymen jyl saıyn uıymdastyrylady.
Onda álemniń túkpir-túkpirinen keletin áıel kóshbasshylary ázirlegen sheshimderi jáne strategııalaryn bólisý arqyly áıelderdiń ekonomıkalyq múmkindikterin keńeıtý máselesin talqylaý josparlanyp otyr.
«Sapar aıasynda Nazıra Nurbaeva „Áıelder: bolashaq ekonomıkasyn jandandyrý“ taqyrybyndaǵy mınıstrler deńgeıindegi dóńgelek ústelge qatysyp, Qazaqstannyń genderlik saıasattaǵy eleýli jetistikterin jáne Qazaqstan Úkimetiniń, BUU-Áıelder qurylymynyń jáne qazaqstandyq áıelderdiń ekonomıkalyq quqyqtary men múmkindikterin keńeıtýge baǵyttalǵan ÚEU birlesken kúsh-jigeri týraly aqparat usynady», — dedi QR Syrtqy ister mınıstrliginiń resmı ókili Aıbek Smadııarov aptalyq brıfıngte.