J. Jetirýov HІІ Azııa elderiniń halyqaralyq Rım kınofestıvalinde Bas júldeni enshiledi
ALMATY. 22 qazan. QazAqparat - Túrkııanyń Ankara qalasynda 15-20 qazan aralyǵynda 48-inshi «Altyn apelsın» kınofestıvali ótti.
Oǵan Qazaqstannan Jánibek Jetirýovtyń «Aqqyz», Aqan Sataevtyń «Jaýjúrek myń bala» jáne Aktan Arym Kýbattyń «Jumaq analar úshin» fılmi shaqyrtý alǵan bolatyn. Jánibek Jetirýov buǵan deıin 6-14 qazan kúnderi Italııanyń Rım qalasynda HІІ Azııa elderiniń halyqaralyq Rım kınofestıvalinde «Aqqyz» fılminiń tanystyrylymyn jasaǵan edi. Sondaı-aq uıymdastyrýshylardyń qalaýymen 30 qyrkúıekten 6 qazanǵa deıin Iran, Qazaqstan, Úndistan jáne Fılıppın elderinen shaqyrylǵan Azııanyń úzdik 4 derekti fılm rejısserleriniń biri retinde qysqa metrajdy fılm túsirý saıysyna qatysty.
«Onda tórteýmizge tórt sýretshiniń shyǵarmashylyǵyn ashyp kórsetý mindeti júktelgen edi. Men «Djýletta jáne ártis» degen taqyrypta stsenarıı jazyp, onda qylqalam sheberiniń óz týyndysyn salýyna túrtki bolǵan jáıtterdi kórsetetin sıýjet oılap taýyp, ony 10 mınýttyq qysqa kórkem fılm retinde jasap shyqtym. Saıysta meniń túsirgen fılmim Bas júlde aldy», - deıdi J.Jetirýov. Rejısserdiń aıtýynsha, ol endi «Aqqyzben» 10-17 qarasha kúnderi Úndistannyń Kalkýtta qalasynda bolatyn XVIII Halyqaralyq kınofestıvalge qatysqaly otyr.
