J. Jetirýdyń «Aqqyz» fılmi Musylman fılmderi halyqaralyq kınofestıvaliniń negizgi baıqaý baǵdarlamasyna endi
ALMATY. 5 tamyz. QazAqparat - Tatarstannyń Qazan qalasynda 5-11 qyrkúıek kúnderi ІH Qazan musylman fılmderi halyqaralyq kınofestıvali bolady. 2005 jyldan beri ótkizilip kele jatqan bul sharany Tatarstan Prezıdentiniń, Qazan qalasy meriniń jáne Joǵary múftıdiń qoldaýymen Tatarstan Respbýlıkasynyń Mádenıet mınıstrligi uıymdastyrýda.
«Aqqyz» fılmi festıvaldiń negizgi baıqaý baǵdarlamasyna iriktelip alyndy jáne bas júldeden úmitti týyndylardyń biri bolyp otyr. Sondyqtan Sizdi týyndynyń tanystyrylymyna jáne baspasóz máslıhatyna qatysýǵa arnaıy shaqyramyz», - degen shaqyrtý aldym deıdi fılm rejısseri, QR Eńbek sińirgen qaıratkeri, stsenarıst Jańabek Jetirý. Buǵan deıin ol uıymdastyrýshylardyń shaqyrýymen 2011 jyly 15-28 qarashada Estonııanyń Tallın qalasyndaǵy «Vlack Night», 2012 jyly 27 shilde men 5 tamyz aralyǵynda Úndistannnyń Delı qalasyndaǵy «Osians Cinefan», 6-14 qazan Italııanyń Rım qalasyndaǵy HІІ Azııa elderiniń halyqaralyq Rım kınofestıvaline, 6-12 qarashada Túrkııanyń Antalııa qalasyndaǵy «Golden Appricot» jáne 10-17 qarashada Úndistannyń Kalkýtta qalasyndaǵy halyqaralyq kınofestıvalderge qatysty. Sondaı-aq AQSh-taǵy 14 qarashada Boston, 20 qarashada Vashıngtonda AQSh-tyń Kennan ınstıtýtynda ótken «Dala gúlderi» festıvali «Aqqyzben» jabylǵan bolatyn. Al bıyl 20-24 mamyrda AQSh-ta ótken ІІ Nıý-Iork Eýrazııa kınofestıvalinde baıqaýdyń negizgi baǵdarlamasyna engen bul týyndy «Úzdik fılm» atalymy boıynsha jeńimpaz dep tanyldy.
