J. Táshenovteı qaıratkerlerdi izdeıtin, ony halyqqa jaqyndatatyn zertteýshiler kerek
ASTANA. 20 naýryz. QazAqparat - J. Táshenovteı qaıratkerlerdi izdeıtin, ony halyqqa jaqyndatatyn zertteýshiler kerek. Búgin Astanadaǵy QR Ulttyq akademııalyq kitaphanasynda «Jumabek Táshenovtiń azamattyq erligi jáne qazirgi patrıottyq tárbıe» atty
respýblıkalyq ǵylymı-praktıkalyq konferentsııa materıaldarynyń negizinde jaryqqa shyqqan jınaqtyń tusaýkeseri barysynda sóz sóılegen belgili aqyn, memleket jáne qoǵam qaıratkeri Kákimbek Salyqov osylaı málim etti.
«Qazaqtyń baǵyna týǵan Jumabek Táshenovteı arystar barshylyq. Qazaq ondaı qaıratker tulǵadan esh kende emes. Alaıda, ony izdeıtin, izine túsip jańǵyrtatyn zertteýshiler kerek. Jurtshylyq sondaı izdeýshiler arqyly óz arystaryn etene tanyp otyrýy qajet. Al myna jaryqqa shyǵyp otyrǵan jınaq sol taý tulǵaly arysty halyqqa jaqyndatatyn bastama ǵana. Sol úshin bul jınaq toqtap qalmaýy shart», - deıdi K. Salyqov. Onyń aıtýynsha, qaıratker tulǵanyń taǵylymyn dáripteýdi búginnen qolǵa alǵan lázim. Osyǵan oraı, K. Salyqov J. Táshenovtiń týǵanyna 2015 jylǵy 20 naýryzda 100 jyl tolatynyn aıta ketti.
Toqtala ketetin jaıt, jınaqty shyǵarýshylar atalǵan mereıtoıǵa oraı, tyń derekterdi usynatyn azamattarǵa qulaqqaǵys jasap, jınaqty qaıta tolyqtyryp, kitap retinde shyǵarýdy josparlaǵan bolatyn.
