J. Táshenov atyndaǵy qoǵamdyq qor qurylýy tıis - K. Salyqov
ASTANA. 20 naýryz. QazAqparat - J. Táshenov atyndaǵy qoǵamdyq qor qurylýy tıis. Búgin Astanadaǵy QR Ulttyq akademııalyq kitaphanasynda «Jumabek Táshenovtiń azamattyq erligi jáne qazirgi patrıottyq tárbıe» atty respýblıkalyq ǵylymı-praktıkalyq
konferentsııa materıaldarynyń negizinde jaryqqa shyqqan jınaqtyń tusaýkeseri barysynda sóz sóılegen belgili aqyn, memleket jáne qoǵam qaıratkeri Kákimbek Salyqov osyndaı másele kóterdi.
«Biz qazaqtyń ulttyq qaıratkeri J. Táshenovtiń 100 jyldyǵynyń aldynda kóp sharany atqarýdy búgin qolǵa alýǵa tıispiz. Buǵan kópshilik qaýym birigip jumys jasaýy shart. Sonyń negizgisiniń biri - qaıratker atyndaǵy qor qurý. Estelikter shyǵarý úshin zertteýshiler muraǵatpen jumys jasaýy kerek. Sondyqtan qordy, onyń jumysynyń nátıjeli bolatynyna septigin tıgizetin aqyldastar alqasyn qurý búgingi mindet», - deıdi K. Salyqov.
Esterińizge sala keteıik, Jumabek Táshenov kezinde Keńes odaǵyn ashsa alaqanynda, jumsa judyryǵynda ustap turǵan N. Hrýşevtyń «bólip al da, bıleı ber» degen áperbaqan saıasatyna qarsy turyp, babalarymyz amanat etip ketken qazaqtyń qasıetti jerin qorǵap qaldy. Sol kezdegi partııalyq-repressııalyq saıasatqa bilimi men biliktiligin, ulttyq namysy men parasattylyǵyn qarsy qoıa bilgen tulǵa.
