J. Ońdapbergenova AQSh-tyń besjyldyq vızasyn ıelengen alǵashqy qazaqstandyq atandy

ALMATY. 1 tamyz. QazAqparat - Búgin Almatydaǵy AQSh konsýldyǵy Qazaqstan azamattaryna birinshi ret óz eliniń besjyldyq vızalaryn bere bastady.

Bul qurmetke «Teńizshevroıl» kompanııasynda jumys jasaıtyn Jámıla Ońdapbergenova ıe boldy.

«Hıýstonda oqıtyn qyzyma barý úshin búgin tańǵy 8-de AQSh konsýldyǵyna qujat tapsyrǵan edim. Maǵan besjyldyq AQSh vızasyna ıe bolǵan alǵashqy qazaqstandyq boldyńyz dep aıtty. Eger vıza berýden bas tartsa qaıtemin dep, túni boıy alańdap uıyqtaı almaı shyqqan edim. Qazir keýdemdi qýanysh sezimi kernep tur. Endi esh alańsyz qyzyma qalaǵan kezde bara alamyn», - deıdi J.Ońdapbergenova. Bul AQSh-qa ekinshi sapary bolmaq. Besjyldyq vıza úshin 160 dollar tólegen. Konsýldyqtaǵy qyzmetkerlerdiń sózine qaraǵanda, ol bul múmkindik arqyly 700 dollaryn únemdeıdi eken.