J.Qasymbek: Ǵarysh apparattaryn qurastyrý-synaý kesheniniń qural-jabdyqtary Qazaqstanǵa bıyl jetkiziledi

ASTANA. QazAqparat - Ǵarysh apparattaryn qurastyrý-synaý kesheniniń qural-jabdyqtary Qazaqstanǵa bıyl jetkiziledi. Bul týraly búgin halyqpen eseptik kezdesýin ótkizgen QR Investıtsııalar jáne damý mınıstri Jeńis Qasymbek málim etti.

«Ǵarysh apparattarynyń qurastyrý-synaý keshenin qurý boıynsha jumystar jalǵasýda. Atalǵan keshenniń barlyq tehnologııalyq qural-jabdyqtary Eýropada ázirlenip, zaýytta synaqtan ótip, sonda saqtaýly tur. Qural-jabdyqtar Qazaqstanǵa bıyl jetkiziledi», - dedi J.Qasymbek.

Mınıstrdiń aıtýynsha, zamanaýı ǵaryshtyq ınfraqurylymdy qurý ǵarysh salasynyń ǵylymı jáne ǵylymı-tehnologııalyq bazasyn odan ári damytýdy talap etedi.

«2015 jyly  ǵarysh qyzmeti salasynda 26 ǵylymı joba oryndalyp, 5 joba tájirıbege engizildi», - dedi ol.