J.Dosqalıevtiń qylmystyq isin raqymshylyq aktisin qoldanýǵa baılanysty qysqartý aqtaýshy jaǵdaı bolyp qabyldanbaıdy - Qarjy polıtsııasy
ASTANA. 5 sáýir. QazAqparat - Jaqsylyq Dosqalıevtiń qylmystyq isin raqymshylyq aktisin qoldanýǵa baılanysty qysqartý aqtaýshy jaǵdaı bolyp qabyldanbaıdy.
Bul týraly búgin QR Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı málim etti.
Aýyldyq jerlerdegi densaýlyq saqtaýda utqyr jáne telemedıtsınany damytý memlekettik baǵdarlamasy aıasyndaǵy J.Dosqalıevtiń bıýdjet qarajatyn talan-tarajǵa salý jáne qyzmettik ókilettigin asyra paıdalaný faktileri boıynsha is-áreketi aýyr zardaptarǵa ákelip soqtyrǵan salaqtyq dep qaıta saralandy. QR Memlekettik táýelsizdiginiń 20 jyldyǵyna oraı raqymshylyq týraly QR Zańyna sáıkes qylmystyq is Dosqalıevtiń kelisimimen 2012 jylǵy 16 aqpanda qysqartyldy. Qylmystyq isti raqymshylyq aktisine qoldanýǵa baılanysty qysqartý aqtaýshy jaǵdaı bolyp qabyldanbaıdy», - dedi ol.
