J.Dosqalıevke jalǵan dıagnoz qoıǵan Ulttyq ǵylymı medıtsınalyq ortalyq dárigerleriniń ústinen qylmystyq is qozǵaldy - Qarjy polıtsııasy
ASTANA. Qazannyń 4-i. QazAqparat /Marlan Jıembaı/ - Densaýlyq saqtaý mınıstri Jaqsylyq Dosqalıevke jalǵan dıagnoz qoıǵan Ulttyq ǵylymı medıtsınalyq ortalyq dárigerleriniń ústinen qylmystyq is qozǵaldy. Bul týraly búgin QR Ekonomıkalyq jáne sybaılas jemqorlyqpen kúres agenttigi Tergeý departamentiniń bastyǵy Nurlan Aýǵanbaev málim etti.
Onyń atap ótýinshe, qyzmettik ókilettikterin paıdalanyp, Qarjy polıtsııasynyń tergeý amaldaryna kedergi keltirgen dárigerlerdiń ústinen QR Qylmystyq kodeksiniń 339-shy baby boıynsha qylmystyq is qozǵaldy. Atalǵan iske qatysy bar barlyq laýazymdy tulǵalardyń is-áreketine quqyqtyq baǵa beriletin bolady.
"QR Qylmystyq kodekstiń 339-shy babyna sáıkes, olar 3 jylǵa deıin bas bostandyqtarynan aırylýy múmkin", dedi ol óz sózinde.
