J.Asanov «Bıznesti prokýrorlyq qorǵaý» jobasynyń alǵashqy nátıjelerin jarııa etti
«Bizde memleket bıznes úshin kóp nárseni jasaýda. Zańdardy, baǵdarlamalardy qabyldady, mıllıardtaǵan qarjy bólýde. Alaıda, osynyń barlyǵy qanshalyqty tıimdi jumys isteıdi? Ókinishke oraı, biz qalaǵandaı emes. Sondyqtan biz ózimiz úshin birneshe basym baǵytty anyqtap aldyq. Solardyń ishinde «Bıznesti prokýrorlyq qorǵaý» jobasy da bar. Aǵymdaǵy jyldyń 14 maýsymynda «Atameken» UKP-men bızneske qysym kórsetýdi azaıtý joldary talqylanǵan forým ótkizdik.
«Osal jerlerdi» anyqtadyq, «Jol kartasyn» ázirledik. Onda 5 baǵyt bar - qadaǵalaýshy organdardyń qysym kórsetýi, kásipkerlerdi qylmystyq protseste qorǵaý, azamattyq daýlar men ákimshilik ister, ákimshilik kedergilerdi qysqartý jáne bıznesti jappaı damytý», dedi Bas prokýror.
Sonymen qatar J.Asanov Bas prokýratýranyń «Atameken» UKP jáne «Nur Otan» janyndaǵy Sybaılas jemqorlyqqa qarsy respýblıkalyq qoǵamdyq keńespen birlesken jobasynyń alǵashqy nátıjeleri týraly aıtyp berdi.
«3 aıda neni jasaı aldyq? Birinshiden, Ekonomıkalyq tergeý qyzmetteriniń ekonomıkalyq qylmysqa den qoıýdyń naqty algorıtmi ázirlendi. Onyń máni - biz qylmysy joq habarlamalardy tirkeýge tyıym saldyq. Osyny jasaǵan soń birden qylmystyq quqyqbuzýshylyqtar týraly habarlamalar sany 1,5 esege kúrt tómendedi. Olardy buryn memlekettik kirister komıtetiniń qyzmetkerleri ózderi jasaıtyn. ıAǵnı, forýmǵa deıin jıi is qozǵaıtyn, endi ýákiletti organǵa kóbirek jiberetin boldy. Bizdiń osy nusqaýymyzdan soń tergeýshilerdiń tapsyrmalarymen qylmystyq ister (3 335-ten 1 001-ge deıin) men tekserýler sany 3 esege azaıdy», - dedi ol.
Ekinshiden, Bas prokýrordyń aıtýynsha, shilde-qyrkúıekte 1 256 is toqtatyldy. Bul 2016 jyldyń birinshi jartyjyldyǵyndaǵy jáne forýmǵa deıingi sanyna teń. Al, bul árbir úshinshi is boıynsha kásipkerlerdi «tekke súıretti» degendi bildiredi.
«Olar óz isterin tastap, túsinikteme jazýǵa májbúr boldy. Alaıda, zııanǵa batatyn bıznestiń ıesi ǵana emes. Onyń qyzmetkerleri de eńbekaqysyz qalady, olar óz otbasyn asyraı almaıdy», - dedi J.Asanov.
Úshinshiden, Bas prokýror Joǵarǵy sotpen jalǵan kásipkerlikti tergeý praktıkasy túzetilgenin atap ótti. «Endi salyqtar bárine birdeı qosymsha salynbaıdy, tek kinási deleldengen bolsa ǵana salynady», - dedi ol.