J.Ábdimálik Chehııada «Brno Open- 2013» halyqaralyq týrnırinde jeńimpaz atandy
ASTANA. 25 qarasha. QazAqparat - Qazaqstandyq jas shahmatshy Jansaıa Ábdimálik Chehııada «Brno Open - 2013» halyqaralyq týrnırinde jeńimpaz atandy. Bul týraly QR Indýstrııa jáne jańa tehnologııalar mınıstrligi (IJTM) týrızm ındýstrııasy komıtetiniń tóraǵasy Marat Igalı óziniń facebook-tegi paraqshasynda málim etti.
«13 jasar qazaqstandyq shahmatshy qyz Jansaıa Ábdimálik CZECH TOUR serııasyna jatatyn «Brno Open- 2013» halyqaralyq týrnırin jeńip aldy. 20 jasqa deıingi qyzdar arasynda álem vıtse-chempıony múmkin bolar 9 upaıdan 7,5 upaı jınaǵan», - dedi komıtet tóraǵasy.
Aıta ketý kerek, Jansaıa Ábdimálik jasóspirimder arasyndaǵy Álem chempıonatynda 4-ret jeńiske jetken bolatyn. Sondaı-aq, ol - Qazaqstandaǵy áıelder arasyndaǵy eń jas halyqaralyq grossmeıster. 13 jastaǵy qarshadaı qyz bıyl Túrkııada shahmattan jasóspirimder arasyndaǵy Álem chempıonatynda alǵash ret 20 jasqa deıingi boı jetip qalǵan qyzdarmen synǵa túsip, onda kúmis júldege qol jetkizdi.
