09:38, 18 Aqpan 2024 | GMT +6
Zeınolla Ydyrysov sporttyq gımnastıkadan álem kýbogy kezeńiniń júldesine ilikti
ASTANA. KAZINFORM — Sporttyq gımnastıkadan Mysyrda ótip jatqan bıylǵy alǵashqy álem kýbogy kezeńinde qazaqstandyq Zeınolla Ydyrysov qola júldege ıe boldy.
Sportty damytý dırektsııasynan málim etkendeı, Zeınolla Ydyrysov at snarıadyndaǵy jattyǵýdan úzdik úshtikke ilikti.
Bul — onyń eresekter arasyndaǵy alǵashqy júldesi edi.
Iordanııalyq Ahmad Ábý Ál Soýd 15.070 upaımen chempıon atansa, koreıalyq Výng Hýr (14.930 upaı) kúmis júldege qol jetkizdi. Z.Ydyrysovtyń enshisinde 14.800 upaı bar.
Taǵy bir qazaqstandyq Narıman Qurbanov 14.030 upaımen besinshi orynǵa taban tiredi.
Aıta keteıik, Zeınolla Ydyrysov 2023 jyly jasóspirimder arasyndaǵy álem chempıonatynda 3-orynǵa turaqtap, tarıhı medal alǵan bolatyn.
