Zeınolla Ydyrysov gımnastıkadan Bolgarııadaǵy týrnırde kúmis júldeger atandy
ASTANA. KAZINFORM – Bolgarııanyń Varna qalasynda sporttyq gımnastıkadan ótip jatqan kezekti Challenge Cup týrnırinde qazaqstandyq Zeınolla Ydyrysov júldegerler qatarynan kórindi.
Sportty damytý dırektsııasynan málim etkenindeı, qazaqstandyq gımnast at snarıadyndaǵy jattyǵýdan kúmis júldege qol jetkizdi.
Zeınolla Ydyrysov 14.233 upaı jınady. Odan sál kóbirek upaı alǵan vetnamdyq Ngok Hýan (14.266 upaı) chempıon atandy.
Ózbekstandyq Abdýlla Azımov qola júldege ilikti.
Budan buryn naýryz aıynda Túrkııanyń Antalııa qalasyndaǵy álem kýbogy kezeńinde Zeınolla Ydyrysov dál osy jattyǵýdan ekinshi orynǵa ıe bolǵan edi.
Eske sala keteıik, budan buryn gımnastıkadan álem kýbogy kezeńinde Narıman Qurbanovtyń altyn, Zeınolla Ydyrysovtyń kúmis alǵanyn jazǵan edik.