Zeınolla Ydyrysov Challenge Cup týrnıriniń kúmis júldegeri atandy
ASTANA. KAZINFORM — Slovenııanyń Koper qalasynda sporttyq gımnastıkadan Challenge Cup sanatyndaǵy jarystyń fınaldary ótip jatyr, dep habarlaıdy Sportty damytý dırektsııasynyń baspasóz qyzmeti.
Búgin tutqaly at snarıadynda Ulttyq qurama sportshysy Zeınolla Ydyrysov 2-oryn aldy. Ol fınalda 14.133 ball jınady.
Osy jattyǵýda taǵy bir otandasymyz, Parıj Olımpıadasynyń kúmis júldegeri Narıman Qurbanov baq synap, 7-satydan kórindi. Onyń enshisinde 13.233 upaı bar.
Tutqaly at snarıadynyń júldegerleri:
1. Mateo Zýgets (Horvatııa, 14.166 ball)
2. Zeınolla Ydyrysov (Qazaqstan)
3. Djoshýa Natan (Ulybrıtanııa, 14.100 ball)
Erteń fınaldardyń 2-kúni ótedi. Onda el namysyn Roman Mamenov qorǵaıdy. Ol tirenip sekirý jattyǵýynda júldege talasady.
Buǵan deıin Zeınolla Ydyrysov pen Narıman Qurbanov álem kýbogynyń kezeńinde júlde alǵanyn jazǵanbyz.
