Zeınetkerlik jasqa jetken memlekettik qyzmetshiler jastarǵa oryn berýi kerek - QR Prezıdenti
ASTANA. QazAqparat - Zeınetkerlik jasqa jetken memlekettik qyzmetshiler jastarǵa oryn berýi kerek. Búgin «Nur Otan» partııasynyń kezekten tys 17-shi sezinde sóz sóılegen QR Prezıdenti, partııa Tóraǵasy Nursultan Nazarbaev osylaı málim etti.
«Nelikten biz adamdardy aýystyryp jatqanymyzdy túsindirip, aıtýymyz kerek. Bul sharalar adamdardyń óz jumysynda qaýqarsyz bolǵanynan jasalyp otyrǵan joq. Ómir jalǵasýda, ózgerister bolady. Qyzmetin adal atqarǵan osy adamdarǵa alǵys aıtamyz. Meniń oıymsha, eger qajet bolsa, jergilik jerlerdegi atqarýshy organdar jáne biz osynda óziniń mamandyǵy boıynsha qyzmet jolyna aýysatyn depýttarǵa qamqorlyq jasaımyz»,-dedi Prezıdent.
Memleket basshysy memlekettik qyzmet týraly zań qabyldanǵanyn, onda zeınetkerlik jasqa jetken memlekettik qyzmetshiler jastarǵa jol berýi kerektigi kórsetilgenin eske salyp ótti.
«Menińshe, bul qadam durys jáne ony iske asyramyz»,-dep sózin túıindedi N.Nazarbaev.
