Zeınetkerlerimiz 15-20 jyldan keıin qarttyq ómirdiń qamtamasyz etilgenine senimdi bolýy úshin kezdesýi múmkin qıyndyqtardy búgin sheshýimiz kerek - O.Asanǵazy
ASTANA. 17 sáýir. QazAqparat - Búgin Májilistiń jalpy otyrysynda palata depýtattary «Qazaqstan Respýblıkasynda zeınetaqymen qamsyzdandyrý týraly» zań jobasyn talqylady.
Halyq qalaýlysy Orazkúl Asanǵazynyń aıtýynsha, 15-20 jyldan keıin zeınetkerler qarttyq ómirdiń qamtamasyz etilgenine senimdi bolýy úshin bolashaqta kezdesýi múmkin qıyndyqtyń barlyǵyn búginnen sheshý kerek.
«Men bul zań jobasyn qoldaımyn. Óıtkeni, 15-20 jyldan keıin zeınetkerlerimiz qarttyq ómirdiń qamtamasyz etilgenine senimdi bolýy úshin biz bolashaqta kezdesedi-aý degen qıyndyqtyń bárin búgin sheshýimiz kerek. Biraq, ol úshin Úkimet búgin, osy zań jobasyn qabyldaǵanda bizdiń azamattarymyzdyń, ásirese áıelderimizdiń áleýmettik jaǵynan qorǵalatynyna, ıaǵnı jumyspen de, zeınetaqymen de qamtylatynyna kepildik berýge tıis», - dep atap ótti depýtat.
