Zeınetkerlerge múgedektik toby mezgilsiz belgilenedi – mınıstrlik
ASTANA. KAZINFORM – Eńbek jáne halyqty qorǵaý mınıstrligi múgedek jandarǵa múgedektikti mezgilsiz belgileý mehanızmine qatysty túsinik berdi.
- Qazaqstanda múgedektik top 18 jasqa tolǵan azamattarǵa qalpyna kelmeıtin anatomııalyq kemistikter tizimine engizilgen 59 nozologııalyq nysan boıynsha merzimsiz belgilenedi. Sondaı-aq organızm fýnktsııalarynyń turaqty qalpyna kelmeıtin ózgerister men buzylýlar bolǵan, tolyq kólemde júrgizilgen ońaltý is-sharalary tıimsiz, múgedektik toby turaqty bolǵan kezde jáne birinshi toptaǵy múgedektigi bar adamdy keminde 4 jyl, ekinshi toptaǵy múgedektigi bar adamdy keminde 5 jyl jáne úshinshi toptaǵy múgedektigi bar adamdy keminde 6 jyl dınamıkalyq qadaǵalaǵan kezde belgilenedi. Odan basqa, zeınet jasyndaǵy adamdarǵa 16 boljamy qolaısyz bolǵan kezde, múgedektik top merzimsiz belgilenedi, - dedi Eńbek jáne halyqty áleýmettik qorǵaý mınıstrligi Áleýmettik qorǵaý salasyndaǵy retteý jáne baqylaý komıtetiniń bas sarapshysy Jasulan Úlmesekov.
Aıta keteıik, Eńbek jáne halyqty áleýmettik qorǵaý mınıstrliginiń málimetinshe, bıyl múgedektigi bar adamdar Áleýmettik qyzmetter portaly arqyly 211 myńnan astam qyzmet aldy.
Eske sala ketsek, byltyr 76 myńnan astam adam múgedektikke ótinimdi onlaın bergen.