Zeınetkerlerge kommýnaldyq qyzmet baǵasynyń ósýine baılanysty kómek kórsetiledi - feık

ASTANA. QazAqparat - Eńbek jáne áleýmettik qorǵaý mınıstrligi zeınetkerlerge materıaldyq kómek kórsetiledi degen aqparatty joqqa shyǵardy, dep habarlaıdy QazAqparat.

«Messendjerler men áleýmettik jelilerde tarap jatqan Qazaqstan Respýblıkasy Úkimetiniń qaýlysymen barlyq zeınetkerlerge kommýnaldyq qyzmet baǵasynyń ósýine baılanysty materıaldyq kómek kórsetiledi degen aqparat shyndyqqa janaspaıdy. Sebebi, Úkimet tarapynan dotatsııalyq qarjylyq kómek kórsetý týraly qaýly qabyldanǵan joq. Sol sebepti bul aqparat jalǵan», - dep jazdy vedomstvodan.

Sonymen qatar, Qazaqstan Respýblıkasynyń «Turǵyn úı qatynastary týraly» Zańynyń aıasynda jergilikti atqarýshy organdar jergilikti bıýdjetten az qamtylǵan otbasylarǵa (azamattarǵa) jeke turǵyn úıdi ustaýǵa ketken shyǵyndar arasyndaǵy aıyrmashylyqty óteýge jáne osy maqsattarǵa arnalǵan shyǵystarynyń shekti deńgeıinde turǵyn úı kómegin kórsetý qarastyrylǵany habarlandy.

«Bul kómekke «Turǵyn úı kómegin taǵaıyndaý» týraly memlekettik kórsetiletin qyzmet arqyly qujattardy tapsyrýǵa bolady», - delingen mınıstrlik.