Zeınetkerlerdiń shotyndaǵy qarajat týraly aqparat jarııa bolmaıdy - Danııar Aqyshev

ALMATY. QazAqparat - QR Ulttyq bankiniń basshysy Danııar Aqyshev Almatyda ótip jatqan onlaın-konferentsııa barysynda Birinshi nesıe bıýrosynyń jumysy týraly aıtyp ótti, dep habarlaıdy QazAqparat tilshisi.

Aıta ketý kerek, osydan birneshe kún buryn «Birinshi nesıe bıýrosy» kompanııasy BJZQ salymshylarynyń qoryndaǵy qarajat týraly aqparatty alý maqsatynda jumys jasalyp jatqanyn aıtqan bolatyn.

«Birinshi nesıe bıýrosy» kompanııasy - nesıe alýshynyń nesıe tarıhy týraly obektıvti aqparat beretin kompanııa. Bankter osy aqparattardyń arqasynda nesıe berý-bermeý týraly sheshim qabyldaı alady. Nesıe bıýrosynyń reestrinde málimet neǵurlym kóp bolsa, soǵurlym bankterdiń durys sheshim qabyldaýyna múmkindik bolady», - dedi  Danııar Aqyshev.

Onyń aıtýynsha, eshkim zeınetkerlerdiń shoty týraly aqparatty almaıdy.

«Osy baǵytta áriptestik kanaldary joq. Zeınetkerlerdiń aqshasy týraly aqparatty eshkim alýǵa umtylyp otyrǵan joq. Bul jerde BJZQ salymshylarynyń qarjysyna kelsek, qordaǵy salym kólemine baılanysty adamnyń qandaı tabys taýyp otyrǵanyn kórýge bolady. Soǵan baılanysty adam nesıe ala alady»,- dedi ol.

Bas bankır BJZQ salymshylary týraly aqparat qupııa ustalatyny týraly aıtty.

«Bul málimetter óte joǵary jaýapkershilikpen saqtalady. Nesıe bıýrosy tarapynan buǵan kepildik berilgen. Nesıe bıýrosy bul málimetterdi ózi úshin jınamaıdy. Ol barlyǵymyzdyń múddemiz», - dedi Aqyshev.