Zeınetkerlerdi pyshaqtap, 400 myń teńgesin alyp ketken kúdiktiler ustaldy -Almaty oblysy
TALDYQORǴAN. QazAqparat - Almaty oblysynyń polıtsııa qyzmetkerleri zeınetkerler otbasyna qarýly shabýyl jasaǵan eki azamatty tutqyndady, dep habarlaıdy QazAqparat tilshisi.
Іshki ister basqarmasy baspasóz qyzmetiniń habarlaýynsha, 18 naýryz kúni Eńbekshiqazaq aýdanyndaǵy saıajaılardyń birinde erli-zaıypty qarııalarǵa eki adam shabýyl jasaǵan. Qylmyskerler zeınetkerlerdiń 400 myń teńgesin alyp ketken.
«Egde tartqan 67-70 jastaǵy eki zeınetker birneshe pyshaq jaraqatyn alyp, aýrýhanaǵa túsken. Jedel izdestirý sharalarynyń nátıjesinde eki kúdikti de anyqtaldy. Olardyń biri buǵan deıin birneshe ret sotty bolǵan azamat edi. Olar Qaraǵandy oblysynyń aýmaǵynda jasyrynbaq bolǵan. Kórshi oblystaǵy áriptesterdiń kómegimen eki kúdikti de Saran qalasynda quryqtaldy. Qylmyskerler Eńbekshiqazaq aýdany ІІB jetkizildi», - delingen baspasóz baıanynda.
Qazirgi tańda túrli jaraqat alǵan eki zeınetker áli aýrýhanada. Al 1984 jáne 1985 jyly týǵan kúdiktiler ýaqytsha ustaý ızolıatoryna qamalǵan.
Olardan zeınetkerlerden tartyp áketken aqshanyń bir bóligi (90 myń teńge) tárkilendi. Qylmystyq is boıynsha tergeý sharalary júrgizilýde.
