Zeınetkerler óz jınaqtaryn tolyq paıdalansa, BJZQ qansha qarajat joǵaltýy yqtımal

ASTANA. QazAqparat – 1 shildeden bastap zeınetkerler ózderiniń zeınetaqy jınaǵyn úı satyp alýǵa nemese emdelýge paıdalana alady. Bul bastamaǵa qatysty Qarjy mınıstri Erulan Jamaýbaev pikir bildirdi, dep habarlaıdy QazAqparat tilshisi.

«Bul jerde másele qansha joǵaltady degen saýalda emes. Ol jalpy jınaqtaýshy zeınetaqy júıesinen qarajat alý taqyrybynyń jalǵasy. Eger tarıhqa oralsaq... BJZQ ne úshin quryldy? Halyq óz aqshasyn jınap, birte-birte yntymaqty júıege ótip, bolashaqta sodan zeınetaqylaryn alýy úshin jasaldy. Endi biz lımıtti qaıta qaradyq. Qazaqstandyqtardyń basym bóliginde az qarajat qaldy», - dedi Erulan Jamaýbaev.

Qarjy mınıstri qordan alynýy múmkin qarajattyń somasy úlken emestigin aıtty.

«Biz ol qordan az qarajat alý kerek ekenin jaqsy túsinemiz. Turǵyndardyń alatyn somasy óte kóp emes - 3 trln teńgeden asady. Degenmen Biryńǵaı jınaqtaýshy zeınetaqy qorynyń turaqty bolǵanyn qalaımyn. Birinshiden, bul bizdiń jáne barlyq zeınetkerlerdiń bolashaǵyna qajet», - dep tolyqtyrdy Erulan Jamaýbaev.

Eske salaıyq, 1 shildeden bastap Áleýmettik kodeks aıasynda Biryńǵaı jınaqtaýshy zeınetaqy qorynda zeınetaqy jınaqtary bar eńbek sińirgen jyldary boıynsha zeınetkerlerge turǵyn úı jaǵdaılaryn jaqsartýǵa nemese emdelýge aqy tóleýge ózderiniń zeınetaqy jınaqtarynyń barlyq somasyn paıdalanýǵa quqyq beriledi.