Zeınetkerler múmkindigi shekteýli jubaılaryna jeke kómekshi bola alady
ASTANA. KAZINFORM — Eńbek jáne halyqty áleýmettik qorǵaý mınıstrligi júrip-turýy qıyn birinshi toptaǵy múgedekterge jeke kómekshi qyzmetterin kórsetý qaǵıdalaryna ózgerister engizip jatyr. Basqarma basshysynyń tıisti buıryǵynyń jobasy týraly aqparat «Ashyq NQA» portalynda jarııalanǵan.
— Engiziletin ózgeristerge sáıkes, 2026 jylǵy 1 qańtardan bastap Qaǵıdalarda zeınetkerlik jasqa tolǵan adamdar óz jubaıynyń (zaıybynyń) jeke kómekshisi bola alatyn tártip retteletin bolady, — delingen habarlamada.
Sondaı-aq, birinshi toptaǵy múgedektigi bar adamnyń jáne jeke kómekshisiniń bir eldi mekende turý qajettiligin aıqyndaıtyn qosymsha pýnkt paıda bolady.
Buıryq jobasy týraly aqparat 2025 jylǵy 11 tamyzǵa deıin «Ashyq NQA» ınternet-portalynda qoǵamdyq talqylaý úshin ornalastyryldy.
Aıta ketelik múgedektigi bar 15 myńnan astam adam jumyspen qamtylǵan edi.