Zeınetkerler mingen avtobýs apatqa ushyrady - úsh adam ajal qushty
ASTANA. QazAqparat - Argentınadaǵy Kordova provıntsııasynda týrıst-zeınetkerler mingen avtobýs apatqa ushyrady.
3 adam qaza taýyp, 36-sy jaraqattandy. Bul týraly jergilikti BAQ habarlaıdy.
Oqys oqıǵa jeksenbi kúni Klamýchıta taýly alqabynda oryn aldy. Zeınetkerler mingen týrıstik avtobýs kýrortty qala Santa-Rosa-de-Kalamýchıtaǵa bara jatqan kezde, kópirlerdiń birine taıaý jerde aýdarylǵan. Zardap shekkender jergilikti aýrýhanalarǵa jetkizildi. Olardyń altaýy aýyr jaǵdaıda. Polıtsııa apattyń sebep-saldaryn tekserýde. Avtobýs júrgizýshisi ustaldy. BAQ aqparatyna qaraǵanda, tejegish isten shyqqan.
