Zeınetkerler men ardagerler qashan da turaqtylyq, sanalylyq, halyq aldyndaǵy adaldyq, ishki jáne syrtqy saıasatta nıettestikti jaqtaıdy - Q.Súleımenov
Bul týraly búgin ardagerler uıymdarynyń VI respýblıkalyq sezinde onyń Ortalyq keńesiniń tóraǵasy Qaıyrbek Súleımenov aıtty.
«Bılik zeınetkerlerdi taǵdyrdyń tálkegine tastady»,- degen oppozıtsııanyń urandarymen kelispeıtindigimizdi búgin ashyp aıtýymyz qajet. Oppozıtsııa bizdiń qıyndyqtarymyzdy ózderin tanymal etý maqsatynda paıdalanǵanyna qarsymyz. Biz ony kórip otyrmyz jáne osy sezde bolmaǵanda ony qaı jerde ashyp aıtamyz. Biz Úkimetpen jáne jergilikti atqarýshy organdarmen syndarly dıalogty qalaıtyn adamdarmyz. Biz ardagerlerdiń áleýmettik jaǵdaıynyń aınalasyndaǵy qanqý sózdermen kelispeımiz», - dedi Q.Súleımenov.
Q.Súleımenov, zeınetkerler men ardagerler Prezıdenttiń eń belsendi jáne senimdi elektoraty bolyp tabylady jáne olar qashan da turaqtylyq, sanalylyq, halyq aldyndaǵy adaldyq, ishki jáne syrtqy saıasatta nıettestikti jaqtaıtynyn aıtty.
Sonymen birge ol, sońǵy úsh jylda zeınetaqy kólemi aıtarlyqtaı artqanyn tilge tıek ete kele: «2005 jyly Qazaqstanda eń tómengi zeınetaqy kólemi 9 myń 200 teńgeni qurady, al bıyl ol 24 myń teńgege kóterildi. Sáıkesinshe, zeınetaqy tólemderiniń ortasha mólsheri 12 myń 62-den 36 myń 205 teńgege kóterildi», - degen derekterdi keltirdi.
Ardagerler uıymy quramynda 1 mln.-nan astam adamy bar eldegi eń iri qoǵamdyq birlestikterdiń biri bolyp tabylady.
