Zeınetkerge qaraqshylyq shabýyl jasaǵan kúdikti ustaldy - QR ІІM
ASTANA. 9 naýryz. QazAqparat - Qarataý qalasynda zeınetker áıeldiń úıine qaraqshylyq shabýyl jasaǵan adam ustaldy, dep habarlady QR ІІM baspasóz qyzmetinen.
Vedomstvonyń atap ótýinshe, Jambyl qalasynyń polıtsııa qyzmetkerleriniń jedel izdestirý is-sharalary barysynda 34 jastaǵy jergilikti turǵyn ustalǵan. Ol aǵymdaǵy jyldyń aqpan aıynda Qarataý qalasynda zeınetker áıeldiń úıine qaraqshylyq shabýyl jasaǵany úshin kúdikti bolyp otyr.
Bastapqy derekter boıynsha kúdikti balkonnyń esigin buzyp, 90 jastaǵy zeınetker áıeldiń úıine kirgen. Sodan keıin úı ıesin pyshaqpen qorqytyp, 7 myń AQSh dollaryn urlap ketken.
«Ustalǵan azamat ýaqytsha oqshaýlaý abaqtysyna qamaýǵa alyndy. Qaraqshylyq shabýyl jasaý faktisi boıynsha qylmystyq is qozǵalyp, tergeý amaldary júrgizilýde», - delingen baspasóz habarlamasynda.
