Zeınetkerge álimjettik jasaǵandar jazasyn aldy
ASTANA. 5 jeltoqsan. QazAqparat - Qostanaılyq jedel qyzmetkerler Zatobolsk kentiniń qart adamdaryna jasalǵan qaraqshylyq shabýyldy ashty.
Bul týraly búgin QR Іshki ister mınıstrliginde ótken brıfıngte ІІM baspasóz hatshysy Nurdildá Oraz habarlady.
Onyń málimdeýinshe, oqıǵa bylaı bolǵan. Kúndiz betterine betperde kıgen úsh adam zeınetkerlerdiń úıine basa-kókteı kirip, olardy pyshaqpen qorqytyp, uryp-soǵyp, baılap tastaıdy. Jábirlenýshilerdiń aqsha saqtaıtyn jerin kúshpen bilip alǵan qylmyskerler 14 myń teńge men 7 myń AQSh dollaryn ıemdenip, izin sýytady.
«Іzdestirý sharalaryn júrgizý kezinde kúdiktiler quryqtaldy. Qaraqshylyq shabýyl jasaǵany úshin olar 12 jylǵa deıin bas bostandyǵynan aıyrylýy múmkin», - deıdi ІІM baspasóz hatshysy.
