Zeınetkerdiń úıinen qomaqty aqsha urlaǵandar ustaldy
ÓSKEMEN. QazAqparat - Óskemende zeınetkerdi úıine kirip tonady degen kúdikpen úsh jigit ustaldy, dep habarlaıdy QazAqparat tilshisi.
Oqıǵa 8 naýryz kúni bolǵan. Óskemenniń irgesinde turatyn 59 jastaǵy zeınetker polıtsııaǵa betperde kıgen adamdardyń úıine tapanshamen basyp kirip, qomaqty aqsha men altyn buıymdaryn tartyp áketkenin habarlaǵan. Tonaýshylar jábirlenýshiniń aıaq qoly men aýzyn skotchpen matap tastaǵan.
«Úı ıesiniń aýlada turǵan kóligin aıdap áketken tonaýshylar ony jarty jolda tastap qashypty. Tonalǵan adam 1,5 mln teńge shyǵyn shekkeni anyqtaldy. Kúdikti úsh adam qarýly tonaýdy aldyn ala josparlaǵan. Ekeýi Shyǵys Qazaqstannyń týmasy bolsa, biri Almaty oblysynyń turǵyny. Jastary 21-35 jas aralyǵynda» - delingen oblystyq ishki ister departamentiniń málimetinde.
Qazirgi tańda osy oqıǵa baılanysty sotaldy tergeý bastaldy. Kúdiktiler tonaǵan zatty jarym-jartylaı ǵana qaıtarǵan.
