Zeınetkerdiń quny 400 myń eýro turatyn quıma altyndary qoldy boldy
ASTANA. QazAqparat - Frantsýzdyq Kadojak kommýnasynda 84 jastaǵy er adamnyń jalpy quny 400 myń eýro turatyn quıma altyny salynǵan seıfin urlap ketti, dep jazdy Sud-Ouest basylymy beısenbi kúngi sanynda.
Basylym málimetinshe, zeınetkerge ózin qalalyq sýmen jabdyqtaý qyzmetiniń qyzmetkeri dep tanystyrǵan er adam sý qubyrlaryna tekserý júrgizý kerektigin aıtqan. Zeınetker qurylǵyny kórsetip jatqanda, onyń sybaılastary úıge kirip, úsh quıma altyn salynǵan seıfti jymqyrǵan. Urylar izin jasyryp úlgerdi. Jergilikti polıtsııa oqıǵany tekserýge kiristi.
