Zeınetkerdiń asqazanynan 150-den astam shege tabyldy
ASTANA. QazAqparat - Býrıatııalyq hırýrgtar zeınetker áıeldiń asqazanynan 150-den astam shege, buramashege, gaıka jáne bolt aldy. Bul týraly Býrıatııanyń N.A.Semashko atyndaǵy respýblıkalyq emhanasynyń resmı saıty habarlaıdy.
Bir tań qalarlyǵy, egde áıeldiń ishki organdaryna zaqym tımegen. Býrıatııanyń Ivolgın aýdanynyń 74 jastaǵy turǵyny respýblıkalyq klınıkalyq aýrýhananyń qan tamyrlary ortalyǵyna jetkizilgen. Fıbroezofagogastrodýodenoskopııalyq tekserý kezinde dárigerler naýqastyń asqazanynda temir-tersekti kórip, tań-tamasha bolǵan.
«Uzyn shegeler, burama shegeler, bolttar, gaıkalar, 15 sm bolatyn armatýra kesindileri, tipti 925 synamalyq kúmis alqa da tabyldy. Jalpy, naýqastyń asqazanynan 152 metall zat alyndy. Olar totyǵa bastaǵan edi. Demek, olardyń qashannan beri naýqastyń asqazanynda jatqanyn ózinen basqa eshkim bilmeıdi», - deıdi atalǵan emhana dárigerleri.
Eske sala ketsek, buǵan deıin Úndistanda psıhıkalyq aýytqýy bar naýqastyń asqazanynan 600 shege alynǵanyn habarlaǵan edik .
