Zeınetkerdiń 2 mln teńgesin alyp qashqan óskemendik ustaldy
ÓSKEMEN. QazAqparat - Ózin «Óskemen sý arnasy» mekemesiniń qyzmetkeri retinde tanystyrǵan tonaýshy 79 jastaǵy zeınetkerdiń 2,3 mln teńgesin alyp qashqan, dep habarlaıdy QazAqparat tilshisi.
Shyǵys Qazaqstan oblystyq polıtsııa departamentiniń habarlaýynsha, zeınetker kúdiktige 2,3 mln teńgeni tartyp aldy dep kiná taǵyp otyr. Kommýnaldyq mekeme mamany retinde ishke engen kúdikti áýeli zeınetkerden tólem týraly túbirtekterdi talap etedi. Qujattardy tekserý kezinde aqsha salynǵan býmany baıqaǵan ol zeınetkerdiń beıqamdyǵyn paıdalanyp, býmany jula qashqan.
«Zeınetkerge 2,3 mln teńge materıaldyq shyǵyn kelgen. Іzdestirý kezinde 29 jastaǵy jumyssyz, buryn sottalǵan azamat ustaldy. Qazir ol ýaqytsha ustaý ızolıatorynda», - deıdi departamenttiń baspasóz qyzmetshisi Azamat Raısov.
