Zeınetkerdi uryp-soǵyp, 200 myń teńgesin alyp ketken qaraqshylar ustaldy - ІІM
ASTANA. 9 qazan. QazAqparat - Zeınetkerdi uryp-soǵyp, 200 myń teńgesin qoldy qylǵan kúdiktiler qolǵa tústi.
Bul týraly búgin QR Іshki ister mınıstrliginiń resmı ókili Nurdildá Oraz málim etti. Shyǵys Qazaqstan oblysynyń Novo-Bajenova aýylynda 72 jastaǵy qarttyń úıine qaraqshylyq shabýyl jasalǵanyn aıta kele ol: «Eki er adam úıge terezeden kirip, qart áıeldi uryp-soǵyp, qol-aıaǵyn matap, 200 myń teńgeden astam aqshasyn alyp ketken», - dedi.Onyń atap ótýinshe, oblystyq ІІD krımınaldyq polıtsııa qyzmetkerleriniń jedel izdestirý sharalarynyń nátıjesinde oqıǵanyń izi sýymaı kúdiktiler qolǵa tústi. «Olar 29 ben 37 jastaǵy Semeı qalasynyń turǵyndary bolyp shyqty. Atalǵan fakti boıynsha qylmystyq is qozǵalyp, kúdiktiler qamaýǵa alyndy»,- dedi N.Oraz.
