Zeınetkerdi shúrip buraǵyshpen qorqytyp, tonap ketken kúdikti ustaldy
ASTANA. 28 naýryz. QazAqparat - Qyzylorda qalasynyń 63 jastaǵy zeınetkerine qaraqshylyq shabýyl jasaǵan kúdikti ustaldy. Bul týraly búgin QR ІІM Til saıasaty jáne aqparat departamentiniń bastyǵy Nurdildá Oraz málim etti.
«Qyzylorda oblysynyń polıtseıleri jedel izdestirý jáne arnaıy is-sharalar ótkizip, aǵymdaǵy jyldyń naýryz aıynyń basynda 63 jastaǵy qala turǵyny - áıel adamnyń úıine qaraqshylyq shabýyl jasaǵan degen kúdikpen izdeýde júrgen 29 jastaǵy jergilikti turǵyndy qolǵa túsirdi», - dedi N.Oraz.
Resmı ókildiń atap ótýinshe, kúdikti aldyn ala sybaılasymen kelisip, jábirlenýshiniń úıine basa-kóktep kirgen. Jábirlenýshiniń qolyn noýtbýktyń shnýrymen baılaǵannan keıin, shúrip buraǵyshpen qorqytyp, seıfti ashqyzǵan. Odan 149 myń teńge men altyn buıymdardy alyp ketken. «Ustalǵan jigit qamaýǵa alyndy, onyń sybaılasy izdestirilýde»,- dedi ol.
