Zeınetkerdi ıt ajaldan aman alyp qaldy
ASTANA. QazAqparat - AQSh-ta 73 jastaǵy zeınetkerdiń óz ıtimen kezdesýi ómiriniń jalǵasýyna sep boldy. Aýrýhanaǵa túsken Kentýkkı shtatynyń turǵyny Djeıms Votenniń palataǵa súıikti ıti Býbbýdy ákelýge ruqsat berilgennen keıin beti beri qaraǵan. Buǵan deıin dárigerler qarttyń densaýlyǵy nelikten tómendep bara jatqandyǵyn bile almaǵan.
Zorǵa sóılep jatqan zeınetker medbıkege sybyrlap, óz ótinishin jetkizgennen keıin kúrt ózgerdi. Bul ólim aýzynda jatqan jannyń aqyrǵy tilegi ekenin uqqan dárigerler ony oryndaýǵa uıǵardy.
Budan keıin nár tatpaı jatqan patsıent asqa aýyz tıgizgen.
Bir qyzyǵy, ıesi aýrýhanaǵa túsken kúnnen bastap ıt te tamaq ishpegen kórinedi. Aýrýhana ákimshiligi Býbbýdy udaıy palataǵa kirgizip turýǵa ruqsat etip otyr. Qarttyń densaýlyǵy kún saıyn jaqsaryp keledi. Tábeti de jaqsy.
