Zeınetker jeti jyl boıy sheneýnikterge óziniń tiri ekendigin dáleldeı almaǵan
ASTANA. QazAqparat - Prokýratýra sot arqyly jeti jyl buryn memlekettik tirkeý týraly akt jazbalaryna qatelikpen Krymsk qalasynyń turǵyny 63 jastaǵy zeınetkerdiń ólýi týraly jazylǵan jazba kúshiniń joıylýyna qol jetkizdi, dep habarlady RIA Novostı Krasnodar ólkesiniń baqylaý vedomstvosyna silteme jasap.
Jergilikti AHAJ «belgisiz adamnyń máıitin tapqan mılıtsııa qyzmetkerleriniń hattamasy negizinde» 2007 jyly 26 qyrkúıekte áıeldi qaıtys boldy dep tirkegen.
"Áıel adam bul máseleni kótergenimen, laýazymdy tulǵalar ony sheshýge asyqpady. Sonymen qatar, 2014 jyldyń 1 tamyzynan Reseı zeınet qorynyń Qyrym ólkesindegi basqarmasy zeınetkerge zeınetaqyny tóleýdi toqtatqan ", dep atap ótti prokýratýradan.
Áıel jergilikti prokýrordyń kómegine júgingen. Ol isti sotqa jiberdi.
"Qazir sot prokýratýra talabyn qoldady, azamatsha quqyǵy qalpyna keltirildi, zeınetaqy kólemi qaıta esepteldi", - dedi vedomstvodaǵylar.
