Zeınetker jelinbegen pasha jumyrtqasyn 65 jyl boıy saqtap keledi
ASTANA. QazAqparat - Ulybrıtanııanyń Donkaster qalasynyń tuǵryny 71 jastaǵy zeınetker Morın Harrıson 65 jyl boıy jelinbegen pasha jumyrtqasynyń ıesi atanyp otyr, dep habarlady sheteldik BAQ.
Atalǵan jumyrtqa sonaý 1940 jyly sol kezdegi Chehoslovakııada daıyndalyp, túrli tústi boıamen árlengen bolatyn. Jumyrtqany M.Harıssonǵa 6 jasynda syıǵa tartqan ájesi oǵan jumyrtqany jese aýyryp qalatyndyǵyn aıtqan kórinedi. Osy sózden keıin qorqyp qalǵan qyz jumyrtqany sórege qoıyp, esh ýaqytta da jeýge nıet tanytpaǵan. Osylaısha, jumyrtqa 65 jyl boıy saqtalyp keledi.
«Jumyrtqa uzaq ótkennen keıin áli de dámdiligin saqtap otyr dep oılamaımyn. Onyń synyp qalmaǵanyna ne bolmasa bólinbegenine tań qalamyn. Men onyń qansha jyl saqtalǵanyn aıtsam adamdar tań qalady. Tipti keıbireýler onyń álemdegi eń kóne pasha jumyrtqasy bolýy múmkin ekendigin de aıtty. Áli kúnge deıin ony qaýipsiz jerde saqtap kelemin. Óıtkeni, ol men úshin óte qymbat dúnıege aınalyp otyr», - dedi M.Harısson.
