Zeınetker shalt qımyldap, qaraqshylardyń tapanshasyn tartyp aldy
ASTANA. QazAqparat - Vladıvostokta zeınetker ózine shabýyldaǵan urylarǵa qarsylyq kórsete bildi. Ol qaskúnemderdiń qolynan qarýyn tartyp alyp, olardyń bireýin polıtsııa kelgenshe jibermeı, ustap turǵan.
Bul týraly Reseı ІІM Prımorskıı ólkesiniń basqarmasy habarlady.
Tergeý anyqtaǵandaı, qyzara bórtip alǵan 18 jastaǵy eki jergilikti turǵyn zeınetkerdiń jaǵasynan alyp, aqsha talap etken. Er adam budan bas tartqanda olardyń biri tapanshasyn sýyryp alyp, qorqytqan.
Zeınetker shalt qımyldap, ózin-ózi qorǵaý tásilderin qoldanyp onyń qolynan qarýdy julyp aldy. Qaraqshylar bolsa, tura qashqan. Biraq, er adam olardy arttarynan qýyp jetip, bireýin ustap úlgerdi. Ekinshi kúdiktini polıtseıler ustady.
Jábirlenýshi zeınetkerlikke shyqqanǵa deıin ishki ister organdarynda qyzmet etken bolyp shyqty.
